Xelkê Qamişlo li dijî êrişê soza tolhildanê da

Însiyatîfa Gel ji bo şermezarkirina sûcên dewleta Tirk a dagirker û bêdengiya navneteweyî li cihê teqînê çalakiyek li dar xist. Di çalakiyê de girseya Qamişlo û malbatên her du şehîdan beşdar bûn.

Endamê Însiyatîfa Gel Şêro Şero di çalakiyê de axivî: "Ev dijmin tu pransîbên mirovanî û exlaqî nan nake. Em li hember wê destgirêdayî namînin, em ê tola şehîdên xwe hilînin."

Şero bal kişand ser hevkariya bi dewleta Tirk a dagirker re û got: "Ev di qetilkirina gelê me de hevkar in. Em nahêlin xayîn û sîxor bi kêfa xwe li malên me bigerin."

Endamê însiyatîfê bang li civata navneteweyî bi taybet dewletên xwedî serwer kir ku ji bêdengiya xwe derkevin û wiha domand: "Sedema ku niha cîhan bi ewle dijî fedakariyên şêniyên Rojava, Bakur û Rojhilatê Sûriyeyê ne."

Her wiha Şero bang li rêxistinên mirovî û hiqûqî kir ku sûcên dewleta Tirk a dagirker lêpirsîn bikin diyar kir ku her şehîd sivîl in û ne şervan in.

Çalakiya xelkê Qamişlo bi diruşma silavkirina şehîdan û şermezarkirina êrişên dagirkeriyê bi dawî bû.

Îro li nêzî geraca otubîsan a li taxa Enteriyê ya Qamişlo erebeya ku tê de Xalîde mihemed Şerîf (45) û kurê wê Hecar Ednan Silêman (24) hebûn, teqiya û di encamê de şehîd bûn.

(fr)

ANHA