Xelkê Minbicê sersaxî da malbata şehîd Azad Serb

Bi sedan şêniyên kantona Minbicê sersaxî da malbata gerîlayê HPG’ê şehîd Azad Serb (Elî Ehmed Kelîl) ku 22’yê Hezîrana 2023’yan li herêma Zapê şehîd bûbû. 

Konê sersaxiyê li Mezreya Menkuba ya li rojhilatê bajar hat vedan.

Ji rêveberên Meclisa Malbatên Şehîdan a Kantona Minbicê Rebî Îzedîn El Hemade di merasîma sersaxiyê de axivî û banga xwedîderketina li nirxên şehîdan kir û got: "Van lehengan ji bo pêşxistina biratiya gelan û projeya neteweya demokratîk canê xwe feda kir. Divê em bi şev û bi roj bixebitin û rêça şehîdan bişopînin."

Endama Nivîsgeha Jinan a meclisa gundê Farat Emîne El Cerah got şehîd bingeha avakirina civak û welatan in.

Hevseroka Meclisa Qanûnsaz a Kantona Minbicê Mihemed Elî El Ebo jî got: “Ewldanên me mil bi mil li hemberî êriş û kiryarên dewleta Tirk a dagirker radibin. Şehîd meşaleya şoreşa me ya gelên azad e."

Di merasîmê de hevseroka Nivîsgeha Jinan a Meclisa Sûriyeya Demokratîk a Kantona Minbicê Ezab El Ebûd diyar kir ku li cem tevahî azadîxwazên cîhanê şehîd pîroz in û got ew hêza xwe ji şehîdan digirin.

Piştî axaftinan wesîqeya şehadetê ya şehîd hat xwendin û radestî malbata wî hat kirin. Merasîm bi dirûşmên bi dawî bû.

(bb)

ANHA