Xebatên paqijiya giştî li Hesekê û Til Temirê didomin

Xebatên paqijiyê li gorî plana xizmetguzarî ya ku ji bo taxên li bajarên Hesekê û Til Temir hatiye danîn, didome.

ROJANE

2 tîrmeh, 2026 13:01

HESEKÊ

Xebatên paqijiyê ku meclisên bajarên Hesekê û Til Temirê ji bo başkirina rewşa xizmetguzarî û jîngehê, parastina paqijiya bajar û bajarokan dane destpêkirin, didomin.

Li bajarê Hesekê di roja 4`an de tîmên xizmetguzariyê li taxan xebatên xwe dewam dikin û îro gihaştin taxa El Eskerî.

Ev xebat bi hevkariya Meclisa Bajarê Hesekê, şaredarî û saziyên civaka sivîl bi armanca rakirina çopê, rêgirtina li ber rewşa jîngehê ya nebaş û pêşxistina çanda hevkariyê di navbera şêniyan de pêk tê.

Li bajarê Til Temirê jî Meclisa Bajar bi Şaredariya Gel re li gorî plana ku ji bo paqijkirina hemû taxên li bajêr danîbûn, xebatên xwe pêk tînin.

Îro kolanên taxên Komîna Şehîd Warşîn hatin paqijkirin, tîmên xizmetguzariyê jî çop rakirin û qadên giştî paqij kirin.

Meclisa Bajarokê Qibûr El Qiracinê xebatên xwe yên xizmetguzariyê yên ku destpêka hefteyê dabûn destpêkirin, didomîne. Îro gundê El Dirdara yê Til Temirê paqij kirin.

Xebatên paqijiyê rojên duşem û pêncşeman li gorî bernameya tax û gundan pêk tên.

(sb)

ANHA