Sersaxî dan malbata şehîd Ararat Tolhildan

Şêniyên kantona Firatê sersaxî ji malbata şehîd Ararat Tolhildan re xwest.

ROJANE

8 tîrmeh, 2024 14:51

KOBANÊ

Ji bo gerîlaya HPG’ê Ararat Tolhildan (Sara Cezayîr) ku 23’yê Nîsanê li herêma Xakûrkê şehîd bûbû, taziya hat qebûlkirin.

Bi sedan şêniyên kantona Firatê berê xwe da bin konê sersaxiyê ku li gundê Qeremoxê yê Kobanê hatiye vedan û sersaxî ji malbata şehîd re xwest.

Di bin konê sersaxiyê de merasîmek hat lidarxistin. Di merasîmê de endama Koodînasyona Kongra Star a Kantona Firatê Dilara Avesta sersaxî ji malbatên şehîdan re xwest û berxwedana gerîla ya li hemberî êrişên dagirkeriyê yên artêşa Tirk silav kir.

Hevserokê Meclisa Bajarê Şêranê Xelîl Mehmûd jî diyar kir ku dê heta dawiyê şopdarên xeta şehîdan bin û got: "Em xwîna şehîdan li erdê nahêlin. Em ê tola şehîdan ji dewleta Tirk hilînin. Jiyana şehîd Ararat tijî têkoşîn û berxwedan bû. Em ê jî xwedî li berxwedana wê derkevin.”

Piştî axaftinan wesîqeya şehîd Ararat Tolhildan hat xwendin û radestî malbata wê hate kirin.

(sş/bb)

ANHA