Serokatiya Ruhanî ya Durziyan alîkariyên mirovî pêwazî dike

Serokatiya Ruhanî ya Durzî îro bi daxuyaniyekê diyar kir ku tevahî alîkariyên mirovî yên ji bo Siwêdayê, bi taybet ên bi rêya rêxistin û aliyên navneteweyî tên, pêşwaz dike. Serokatiyê spasiya her hewldana ji bo piştigriya welatiyan û sivikkirina zehmetiyên şêniyan, digel rewşên dijwar ku herêm tê re derbas dibe, kir.

Di daxuyaniyê de hat diyarkirin ku pêwîst e demildest êrişên li dijî Siwêdayê werin rawestandin û daxwaz hat kirin ku hemleyên berevajîkirina rastiyê û belavkirina gotegotên bi armanca gurkirina tundî û nefretê werin sekinandin.

Serokatiyê di daxuyaniya xwe de diyar kir ku tu pirsgirêkên olî yan jî iraqî yên durziyan bi kesekî re tune bû û careke din derxistina fitneyan di navbera şêniyên yek welatî de şermezar kir û ev tişt destnîşan kir: "Ji bo her kesên hewl didin mejiyên ciwanan bi nefretê jehr bikin, şerm e."

Piştî ku Nivîsgeha Ragihandinê ya Wezareta Tenduristiyê ya hikumeta veguhêz a Sûriyeyê ji ajansa SANA re daxuyand ku "Rêberê Ruhanî yê Bilind ê Durziyan şêx Hikmet El Hicrî red kir ku şandeya hikumetê tevî karwanên alîkariyan derbasî Siwêdayê bibe û tenê alîkarî bi rêya Heyva Sor a Erebî a Sûrî derbas bibe", serokatiyê ev daxuyanî da.

Ji çend rojan ve li Siwêdayê rewşa mirovî hilweşyaye , metirsî hene ku digel êrişên leşkerî li dijî Siwêdayê û gundewarê wê krîz zêdetir be.

(fr