Şêniyên Siwêdayê komkujiyên li Şêxmeqsûdê şermezar kirin

Bi dehan çalakvan, siyasetmedar û şêniyên bajarê Siwêdayê ji bo şermezarkirina sûcên li taxên Şêxmeqsûd û Eşrefiyê yên Helebê, çalakiyek li dar xist.

ROJANE

11 ÇILE, 2026 19:54

NAVENDA NÛÇEYAN

Çalakvan û şêniyên bajarê Siweydayê li dijî êriş û sûcên çeteyên hikumeta demkî yên bi piştgiriya dewleta Tirk ve li taxên Şêxmeqsûd û Eşrefiyê yên Helebê hatine kirin, çalakiyek li dar xist. Çalakvanan berxwedana şêniyan û Hêzên Ewlekariya Hundirîn silav kir û got ev berxwedan keta dîrokê.

Bi dehan şêniyên bajarê Siwêdayê li Qada Keramê ya navenda bajêr kom bûn û dirûşmeyên silavkirina berxwedana taxên Şêxmeqsûd û Eşrefiyê berz kirin û alên Hêzên Sûriya Demokratîk (QSD) bilind kirin.

Beşdaran diyar kir ku ew piştgiriya ku gelê Kurd û QSDˊê di êrişên hêzên hikumetê li dijî wan kirine de ji bîr nakin.

Beşdaran komkujiyên ku çeteyan li dijî Kurdan kirine şermezar kirin û got komkujiyên li Şêxmeqsûd û Eşrefiyê berdewama komkujiyên perav, Siwêda û hedefgirtina xelkê Xiristiyan e.

Di dawiyê de hat gotin ku yên çûne ser desthilata Şamê komên terorîst in, bi navê olê sivîlan qetil dikin û direvînin.

(ac/fr)

ANHA