Şêniyên kantona Firatê li dijî êriş û tecrîdê meşiyan

Bi sedan şêniyên kantona Firatê li dijî tecrîda giran a li ser Rêber Abdullah Ocalan û êrişên dewleta Tirk a a dagirker ên li ser Herêmên Parastinê yên Medyayê meşek li dar xist.

Şênî ji qada Jina Azad heta qada Aştiyê meşiyan. Di meşê de wêneyên Rêber Abdullah Ocalan hatin hildan û dirûşma " Bê Serok Jiyan nabe " hat berzkirin.

Meşvanan li qada Aştiyê deqeyeke rêz girtin. Piştre endama Koordînasyona Kongra Star Macîde Hesûn axivî û bal kişand li ser tecrîda giran a li ser Rêber Abdullah Ocalan û got:  "Bi hezaran welat li hemberî vê tecrîdê serî hildidin û li hemberî faşîzmê disekinin. Gelê cîhanê êdî azadiya fîzîkî a Rêber Apo dixwazin. Helwesta me zelal e, em ê heta mîsogeriya serketinê li qadan bin."

EYN ÎSA

Li bajarê Eyn Îsa yê kantona Firatê jî bi sedan şêniyên bajar û koçberên ji bajarê Girê Spî bi meşekê daxwaza azadiya fîzîkî ya Rêber Abdullah Ocalan meşiyan

Meş ji pêşiya Mizgefa Mezin dest pê kir. Di meşê de dirûşmên silavkirina berxwedana girtiyên azadiyê hatin berzkirin û wêneyên Rêber Abdullah Ocalan hatin hildan.

Meş li çerxerêya Şehîd Cûdî ya naverasta bajarê Eyn Îsayê rawestiya. Li vir rêvebera Kongra Star Ruqeya Mihemed axivî. Ruqeya tecrîda li ser Rêber Abdullah Ocalan û bêdengiya hêzên navneteweyî ya li hemberî pêkanînên dewleta Tirk şermezar kir û got, gelên xwedî li ramanên Rêber Abdullah Ocalan derketine dê heta azadiyê û rizgarkirina herêmên dagirkirî têkoşînê bikin.

Çalakî bi dirûşma "Bê serok jiyan nabe" û "Bijî berxwedana girtiyan" bi dawî bû.

(sş/bb)

ANHA