Şêniyên Hesekê êrişên li dijî herêmê şermezar kirin
Bi dehan şêniyên bajarê Hesekê bi xwepêşandanekê êrişên dewleta Tirk a dagirker şermezar kirin û banga piştgiriya ji bo hêzên leşkerî kir.
Bi dehan şêniyên bajarê Hesekê bi xwepêşandanekê êrişên dewleta Tirk a dagirker ên li dijî Bakur û Rojhilatê Sûriyeyê şermezar kirin.
Xwepêşandanê ji çerxerêya Kevokê ya Til Hecer dest pê kir û ber bi çerxerêya Serhed a taxa Miftî ve bi rê ket. Tê de endamên saziyên sivîl û Tevgera Ciwanên Şoreşger beşdar bûn.
Di dawiya xwepêşandanê de rêveberê tevgerê Hogir Hesekê bal kişand ser hevgirtina şêniyan a li hemberî êrişan û teqezî bi domandina piştgiriyê ji bo hêzên leşkerî da.
Hogir got: "Dewleta Tirk nikare îrade û vîna gelê me têk bibe. Ew êriş îsrara gelên herêmê ya şopandina rêya şehîdan zêde dike."
(mh)
