Taziya ji bo şehîd Diljîn Azadî di roja duyemîn de ye

Şêniyên taxên Şêxmeqsûd û Eşrefiye yên Helebê di roja duyemîn de sersaxî da malbata şehîd Diljîn Azadî.

ROJANE

24 gulan, 2024 16:10

HELEB

Meclisa Malbatên Şehîdan duh ji bo şehîd Diljîn Azadî konê sersaxiyê li pêşiya mala wê ya li taxa Şêxmeqsûd a Helebê vedabû.

Di roja duyemîn de jî, şênî, hêzên leşkerî, endamên saziyên sivîl, partî, komîn û meclisan herikîn bin kon û sersaxî xwest.

Di bin konê sersaxiyê de axaftin hatin kirin. Endamê rêveberiya Hêzên Parastina Civakî (HPC) Fehmî Hemo diyar kir ku şehîd Diljîn ji çiyayê Lêlûnê heta Qendîlê, ji Zap heta Metîna û Xakûrkê tê koşiya û di rêya azadiya Kurdistanê de şehîd bû.

Endama Meclisa Şehîd Şîlan, Lêlav Şêxo jî got: "Ruxmî ku dewleta Tirk a faşîst çekên herî pêşketî bi kar tîne jî, lê nekarî rê li pêşiya şehîd Diljîn bigire. Diljîn heta kêliya şehadeta xwe têkoşîna xwe ya azadiyê dewam kir."

Şehîd Diljîn Azadî (Hêva Hêva Kilêvçek) 23’ê Nîsana 2024’an di berxwedana li hember êrişên dewleta Tirk a dagirker de li Xakûrkê ya Herêmên Parastinê yên Medyayê şehîd bûbû.

(şx)

ANHA