Şehîd Dilpak Efrîn hate veşartin

Şervanê Yekîneyên Parastina Gel (YPG) Dilpak Efrîn (Diyar Sîdo) di encama qezayekê de dema ku li ser erka xwe bû di 14`yê mehê de şehîd bû. Cenazeyê wî îro bi merasîmekê li Goristana Şehîdên Berxwedana Serdemê ya li navçeya Ehrezê ya kantona Şehbayê hate veşartin.

Şêniyên kantona Efrîn û Şehbayê cenazeyê şehîd Dilpak Efrîn ji nexweşxaneya Avrîn a navçeya Fafînê ya kantona Şehbayê wergirt û ber bi goristanê ve bi rê ketin.

Li goristanê endama Meclisa Malbatên Şehîdan Ebdulenan Mamo sersaxî da malbata şehîd û tevahiya şêniyên kantona Efrîn û Şehbayê û bal kişand ser soza ku gelê Bakur û Rojhilata Sûriyayê daye şehîdên xwe û her tim peyama wan berxwedan e. Her wiha Mamo diyar kir ku dê hevrê û malbatên şehîdan têkoşîna wan bidomînin.

Piştre, endamê Meclisa kantona Efrîn û Şehba Xedîce Elo axivî û wiha got: "Li Şehbayê berxwedana gel ruxmî dorpêçê û zehmetiyên heyî gelê me rêya têkoşîne hilbijartiye. Ev yek jî bi saya şervanên me û şehîdên me ne. Em soza xwe li hember şehîdên xwe nû dikin."

 Piştre wesîqeya şehadetê ya şehîd Dilpak Efrîn hate xwendin û radestî malbata wî hate kirin. Cenazeyê şehîd bi siloganên "Şehîd namirin" û tilîliyên dayikan hat veşartin.

(zş)

ANHA