Şehîd Bêrîtan li Til Temirê hat bibîranîn

Meclisa Kongra Star a bajarê Til Temirê yê kantona Cizîrê bi boneya salvegera 33’an şehadeta têkoşer Bêrîtan (Gulnaz Karataş) merasîma bîranînê li dar xist. Bîranîn li hola Kinêr a naverasta bajar bi amadebûna endamên Kongra Star, bi dehan nûnerên saziyên sivîl, partiyên siyasî û şêniyên bajar pêk hat.

Piştî deqeya rêzgirtin, ji rêveberên Meclisa Kongra Star a Til Temirê Senaa El  Samir axivî û bal kişand ser jiyan û têkoşîna şehîd Bêrîtan, helwesta wê ya lehengane.

Senaa El Samir anî ziman ku ev çalakî ne bîranînek ji rêzê ye, lê belê nûkirina soza domandina têkoşîna şehîd Bêrîtan a avakirina civakeke demokratîk û mîsogerkirina mafên jinan e.

Senaa di dewama axaftina xwe de da zanîn ku çalakiya şehîd Bêrîtan di meşa têkoşînê ya jinên Kurd de bûye xaleke werçerê û ev li gotinên xwe zêde kir "Şehîd Bêrîtan bûye semboleke cîhanî ya jinên berxwedêr û ji nifşên bê re bû îlhama domandina têkoşînê li hemberî hemû cûreyên zulmê."

Piştî axaftinan sînevîzyoneke li ser jiyan û têkoşîna şehîd Bêrîtan ji dîroka tevlêbûna wê ya nava berxwedanê heya roja şehadetê wê di 1992’an de hat temaşekirin.

(bb)

ANHA