Rojnameyên Erebî aloziya li Lubnanê û siberoja pevçûnên li Yemenê nivîn nirixand

Çapemeniya Erebî îro li ser bandorên aloziyên herêmî li ser Lubnanê û dijwarîyên mijûlbûna bi koma Hûsî re li Yemenê nivîsî.

TIRSA KU LUBNAN BER BI ŞEREKÎ NÛ VE DIÇE

Rojnameya Lubnanî El Nehar li ser xetereyên ku Lubnan ber bi pevçûnek leşkerî ya nû ve diçe hişyarî da, ji ber zêdebûna aloziyên herêmî û amadekariyên ji bo şerekî nû yê muhtemel li dijî Îranê.

Rojnameyê destnîşan kir ku hewldanên dîplomatîk giranî didin kontrolkirina rewşa Lubnanê û pêşîgirtina li berfirehbûna pevçûnan disekinin.

Rojnameyê destnîşan kir ku beşdarbûna nû ya Hizbullahê di her şerekî muhtemel de li kêleka Îranê dikare bibe sedema zêdebûna aloziyê ya Îsraîlê ya berfireh û berfirehbûna dagirkirina başûrê Lubnanê, di demekê de ku welat bi krîzên aborî û civakî yên xerabtir re rû bi rû ye.

Rojnameyê hişyarî da ku her beşdarbûna nû ya Hizbullahê di pevçûnek herêmî de dikare hewldanên Lubnanê yên ji bo kontrolkirina zêdebûna aloziyê û sînordarkirina êrişên Îsraîlê têk bibe.

LI ŞÛNA ŞERKIRINA BI HÛSIYAN RE MIJÛLBÛN

Rojnameya El Şerq El Ewsat di gotarekê de bi sernavê "Çima li şûna şerkirina bi Hûsiyan re mijûl nabin?" diyar kir ku mijûlbûna bi Hûsiyan re wekî desthilatdariya de facto li Sana'ayê dibe ku vebijarkek rastîn xuya bike. Lêbelê, xwezaya projeya komê, girêdana wê bi çekan û saziyên wê yên paralel rê li ber entegrebûna wê bi dewleta Yemenê re digirin.

Gotarê destnîşan kir ku hewldanên navneteweyî û herêmî yên ji bo kontrolkirina Hûsiyan, di nav de Peymana Stockholmê û hewldanên Siûdî-Umanî, nekarîne komê veguherînin desthilatdariyek kevneşopî.

rojnameyê diyar kir ku Hûsiyan derfetên ji bo kêmkirina aloziyê bikar anîne da ku destkeftiyên siyasî û aborî bi dest bixin, di heman demê de şiyanên xwe yên leşkerî xurt bikin.

(k)

ANHA