Rojbûna Rêber Apo bi şahiyên girseyî hat pîrozkirin

Bi boneya 4’ê Nîsanê, Meclisa Malbatên Şehîdan a Qamişlo li Parka Azadî şahiyek ji zarokên şehîdan re li dar xist. Di şahiyê bi dehan malbat amade bûn. 

Rêvebera Meclisa Jinan a Malbatên Şehîdan a Herêma Bakur û Rojhilatê Sûriyeyê Cewahir Osman axivî û diyar kir ku Rêber Abdullah Ocalan ji bo gelên bindest meşaleya têkoşînê ye.

Piştî axaftinê malbat û zarokên şehîdan li ber dengê hunermend Danîş Botan govend gernadin.

Li Til Hemîsê bi beşdariya girse ya nûnerên saziyên sivîl, partiyên siyasî û rûspiyên eşîrên Ereban 50 darên hawîrdorê li derdora goristana şehîdan hatin çandin.

Di çalakiyê de nûnera Kongra Star Îbtîsam Elî axivî û got: "Mîlada Rêbertî, mîlada azadiya gelê Kurd e. Heta pêkanîna azadiya wî ya fîzîkî têkoşînê dewam bike."

Çalakî bi pêşkêşkirina hunerên folklorîk ji hêla koma "Esala" û koma "Yekta Bihar" ve û stranan ji hêla hunermend Tariq El Hisên ve bi dawî bû.

Li Til Temirê 3 çalakiyên hemwext hatin lidarxistin. Destpêkê malbatên şehîdan li Parka Şehîd Sosin Bîrhat daxuyaniyek da û tê de bang li rêxistinên navneteweyî kir ku ji bo berdana Rêber Abdullah Ocalan zextê li dewleta Tirk bikin.

Dûre jî 150 dar hatin. Her wiha li Qada Îstîqamê jî girse ji bo beşdarî şahiyê bibe kom bûn. Di şahiyêd e hevserokê Komeleya Perwerdê Xidir El Ilêwî axivî û got Rêber Abdullah Ocalan li dijî mêtingeriyê rêya berxwedanê hilbijart.

Di dawiyê de koma "Çûkên Siberojê" û "Kulîlkên Kurdistan" hunerên xwe pêşkêş kirin û govend li ber stranan hatin gerandin.

Di hemû çalakiyan de peyama yekgirtî hat dayîn ku ew ê li ser fikra Rêber Abdullah Ocalan bimeşin.

(ekîb/fr)

ANHA

QAMOŞLO

TIL TEMIR

TIL TEMIR

TIL TEMIR