Projeya xanan demkî hat rawestandin û dosya bo parêzgehê hat şandin

Şêniyên gundê Gir Siwêr ê Tirbespiyê li dijî projeya avakirina xanên pez li nêzî gund xwepêşandan kirin. Şêniyan û Şaredariya Gel a Qamişloyê li hev kirin proje demkî rawestînin û dosyaya dozê rakirin parêzgeha Hesekê.

ROJANE

14 hezîran, 2026 14:43

QAMIŞLO

Biryar bû îro Şaredariya Gel a Qamişloyê bi merasîmekê dest bi projeya avakirina xanên pez li nêzî gundê Gir Siwêr ê Tirbespiyê bike, lê şêniyên gund li hember projeyê xwepêşandanek aştiyane li dar xistin û rê girtin girtin.

Piştî vê yekê, civînek di navbera nûnerên gund û Şaredariya Gel de, bi beşdariya Hêzên Ewlekariya Hundirîn (Asayîş), hat lidarxistin. Di civînê de, biryar hat dayîn ku xebatên projeyê li aliyê gund ve bi demkî werin rawestandin û dosyaya dozê ji bo nirxandinê ji parêzgehê re were şandin.

Şêniyên gundên Gir Siwêr, Sîha Mezin, Xirêcka û Xezna projeyê napejirînin û dibêjin ku proje dikare ziyanê bide jîngehê û deverê qirêj bike.

Her wiha hin şêniyên gundê Gir Siwêr diyar kirin ku wan belge pêşkêş kirine ku ew xwediyê beşek ji erdê ku ji bo projeyê hatiye destnîşankirin in, û ji rayedarên têkildar dixwazin ku berî ku biryarek di derbarê pêkanîna projeyê de bidin, van belgeyan binirxînin.

(k)