‘Projeya Rêveberiya Xweser mertalê parastina aştiya navxweyî ye’

Şêniyên bajarê Tebqayê der barê girîngiya projeya Rêveberiya Xweser de ji ajansa me re axivîn.

Şêniya bi navê Îqbal El Eran got: "Ji destpêka şoreşa Sûriyeyê ve gelek dewletan destwerdan kir, valahiyek di navbera pêkhate û taîfeyên wê de çêkirin, hewl dan şerekî mezhebî gûr bikin û şoreşa gel ji rêya wê derxistin. Mixabin pir alî ketin nava vî şerî û êdî pêkhate û mezheban bi hev re bijîn.”

Îqbal El Eran bal kişand ser herêmên Rêveberiya Xweser jî û wiha axivî: "Lê li erdîngariya Sûriyeyê, li herêmên Rêveberiya Xweser tenê em dbînin hemû pêkhate bi ol û neteweyên xwe bi saya projeya Rêveberiya Xweser bi hev re dijîn. Vê projeyê maf dide hemûyan, aştiya di navbera hemû pêkhateyan de diparêze. Lew re ji bo rawestandina tevlihevî û herkîna xwîne, divê ezmûna Rêveberiya Xweser li tevahiya Sûriyeyê pêk were.”

Jina bi navê Meha El Ubeyd diyar kir ku ezmûna Rêveberiya Xweser pêkvejiyana di navbera pêkhate û olan de parast, tu pêkhate paşguh nekir û azadî û taybetmendiyên tevahiyan parast.

Meha El Ubeyd bi domdarî got: "Bi proeya neteweya demokratîk em hemû pêkhate wekî xwişk û bira li hemberî dewleta Tirk a dagirker a hewl dide yekitiya me têk bibe, disekinin. "

Şêniyê bi navê Ehmed El Sayîl diyar kir ku rejîma berê îdia dikir ku ew kêmneteweyan diparêze, lê ya rast tevlihevî di navbera gel de derdixist û got: "Domandina rêbaza rejîma berê êdî fêde nake, ji ber ku çerxek di navbera taîfe, ol û neteweyan de çêkir, êdî pêwîstî bi projeyeke heye ku bêyî paşguhkirin an biçûkxistin hemûyan bihewîne û taybetmendiyên hemû pêkhateyan biparêze."

Ehmed El Sayîl destnîşan ku ezmûna Rêveberiya Xweser û serketina wê li Bakur û Rojhilatê Sûriyeyê ji bo rêvebirina civakên pirreng wekî Sûriyeyê mertalê parastina aştiya navxweyî ye û sekinandina kuştin û terorê ye.

(bb)

ANHA