Meclisa PYD’ê li Til Birakê kongreya xwe ya 2ˊyemîn lidarxistin

Meclisa PYD'ê ya bajarê Til Birakê bi dirûşma "Rêxistinbûn û parastin bingeha avakirina civaka siyasî û demokratîk a azad e" kongreya xwe ya 2ˊyemîn li dar xist. Di kongreyê de xebat hat nirxandin û endamên meclisa bajêr hatin hilbijartin.

ROJANE

23 hezîran, 2024 20:20

QAMIŞLO

Meclisa Partiya Yekitiya Demokratîk (PYD) a bajarê Til Birakê yê kantona Cizîrê 2'yemîn Kongreya xwe li hola meclisa bajêr li dar xist. Di serî de endama Nivîsgeha Rêxistinkirinê ya PYD'ê ya kantona Hesekê Perwîn Yûsif bixêrhatina beşdaran kir, xebat û keda PYD'ê ji bo avakirina civakeke biedalet û wekhevî, silav kir û got: "Azadiya jinan bi azadiya fîzîkî ya Rêber Abdullah Ocalan ve girêdayî ye"

Piştre hevserokê Nivîsgeha PYD'ê ya bajêr Îvan Silêman rapora giştî ya nivîsgehê xwend. Di raporê de xebatên nivîsgehê û geşedanên siyasî hatin şîrovekirin. Her wiha endama Nivîsgeha Jinan a bajêr Efaf El Salih rapora Nivîsgeha Jinan xwend.

Piştî nirxandina rewşa rêxistinî û siyasî hevseroketî û desteya rêveberiyê ya nivîsgeha PYD'ê ya bajêr hatin hilbijartin.

Kongre bi diruşma ˊBê Serok Jiyan Nabeˊ bi dawî bû.

(mh)

ANHA