Li Tebqayê meşa 27’ê Mijdarê

Bi boneya salvegera 47ˊemîn a damezirandina PKKˊê (Roja Berxwedana Neteweyî) xelkê kantona Tebqayê û koçberên Efrîn-Şehbayê, meşeke girseyî li dar xist.

Bi hezaran xelkê kantonê û koçber, nûnerên ji Rêveberiya Xweseriya Demokratîk, deste û meclisên girêdayî wê tev li meşê bûn.

Meşê ji pêş Kampa Stadyûma Bajarê Wezîşê dest pê kir. Beşdaran wêneyên Rêber Abdullah Ocalan û pankartên "Bi biratiya gelan em ê Rêber Abdullah Ocalan azad bikin", "Bi hevgirtina gelan em ê deriyên Îmraliyê bişikînin" hildan.

Meş li pêş avahiya Meclisa Malbatên Şehîdan a li taxa El Sanî (duyem) a bajêr rawestiya. Li wir Hevserokê Meclisa Malbatên Şehîdan a kantonê Mehmûd El Sayil axivî. El Sayil di destpêka axaftina xwe de damezrandina PKKˊê li Rêber Abdullah Ocalan û gel pîroz kir û got: "Bi vê boneyê em daxwaza pêkanîna azadiya fizîkî ya Rêber Abdullah Ocalan dikin."

Li aliyekî din jî li ser navê koçberên Efrîn û Şehbayê Elîf Mihemed axivî. Elîf got: "Rojbûna PKKˊê rojbûna jiyan, mirovahî û demokrasiyê ye û ew destana sedsala 21ˊê ye, serdema azadiya jin-ciwanan û projeya neteweya demokratîk e.”

Meş bi dirûşman bi dawî bû.

(fr)

ANHA