Li Siwêdayê xwepêşandana li dijî biryara ezmûnan

Li Siwêdayê li dijî biryara hikumeta demkî ku xwendekarên 9 û 12'an ezmûnên xwe li derveyî bajar bikin xwepêşandan hate lidarxistin.

ROJANE

24 gulan, 2026 14:05

NAVENDA NÛÇEYAN

Wezareta Perwerde û Fêrkirine ya hikûmeta demkî 14'ê Gulanê biryarek dabû. Li gorî wê, dê ji bo xwendekarên refên 9 û 12 (Wêje, zanistî û pêşeyî) yên ji Siwedayê dê navendên ezmûnan li parêzgehên Şam û gundewarên Şamê werin vekirin. Wezaretê ev biryar bi îdiaya ku 'Siwêdayê ne ewle ye û divê ezmûn li cihekî ewle were kirin' da. Şêniyên Siwêdayê nerazîbûn nîşan dabûn û diyar kirin ev biryar barê zêdetirî 13 hezar xwendekaran giran dike, di heman demê de mercên ewlehî û debarê jî giran e. Şêniyan xwestin ev biryar were betalkirin.

Îro jî li dijî biryarê xwepêşandanek li pêşiya avahiya Sendîqeya Mamosteyan hat lidarxistin. Xwendekar û malbatên wan, tevî mamosteyan beşdarî xwepêşandanê bûn.

Xwepêşanderan bang li Neteweyên Yekbûyî û rêxistinên navneteweyî, di nav de UNESCO û UNICEF'ê kirin ku bi lezgînî mudaxele bikin da ku navendên ezmûnan vegerînin Siweydayê. Her wiha destnîşan kirin ku organîzekirina ezmûnan di nav parêzgehê de edaletê ji bo xwendekaran misoger dike û zexta li ser wan kêm dike.

(bb)