Li ser komploya navneteweyî li Qamişloyê semîner hat dayîn

Însiyatîfa Gel a Bakur û Rojhilatê Sûriyeyê têkildarî komploya navneteweyî ya li dijî Rêber Abdullah Ocalan, semînerek da. Bi sedan mamoste tev li semînerê bûn.

ROJANE

31 ÇILE, 2024 16:11

QAMIŞLO

Di çarçoveya çalakiyên şermezarkirina komploya navneteweyê de endamê Însiyatîfa Gel a Bakur û Rojhilatê Sûriyeyê Kanan Berakat semîner li Navenda Çand û Hunerê ya Mihemed Şêxo ya li Qamişloyê da.

Di semînerê de Berakat behsa şert û mercên beriya komployê, armancên komployê, çawa komplo têk çû, kir û diyar kir ku her çiqas hêzên komploger hewl dan Rêber Abdullah Ocalan ji gel dûr bixin û rê li ber fikrên wî bigirin, lê belê fikir û felsefeya wî li her derê belav bûn.

Berakat behsê kir ku neteweya demokratîk çareseriya aloziyên gelan e û bang li mamosteyan kir ku rolek ji vê çalaktir bilîzin û bi hêztir tev li pêngava navneteweyî ya ji bo azadiya Rêber Abdullah Ocalan bibin ji bo ku fikrên wî belav bibin.

Li gor însiyatîfê, çalakiyên şermezarkirina komployê û pêkanîna azadiya fîzîkî ya Rêber Abdullah Ocalan bi rêya lidarxistina çalakiyên cuda li herêmê berdewam in. Dê 15`ê Sibatê meşên girseyî bên lidarxistin.

(şx)

ANHA