Li Şehbayê merasîma xiyabî ya şehîd Canşêr Şêrawa

Meclisa Malbatên Şehîdan a Kantona Efrîn û Şehbayê ji bo şehîd Canşêr Şêrawa merasîma xiyabî li dar xist.

ROJANE

3 nîsan, 2024 17:48

ŞEHBA

Meclisa Malbatên Şehîdan a Kantona Efrîn û Şehbayê ji bo şehîd Çanşêr Şêrawa (Kemal Oso) merasîma xiyabî li dar xist.

Şehîd Canşêr Şêrawa û Ekîn Rodî di 19’ê Adarê li herêma Rojavayê Zapê ya Şehîd Delîl şehîd bûn.

Merasîm li pêşiya mala şehîd li gundê Til Qerahê hate lidarxistin.

Di merasîmê de endama rêveberiya Meclisa Malbatên Şehîdan a Efrîn û Şehba Xedîce Îbo sersaxî da malbata şehîd.

Xedîce têkoşîna şehîd silav kir û got: "Şehîdên me di şert û mercên herî dijwar de li hemberî dewleta Tirk a dagirker li ber xwe dan."

Endamê Meclisa Rêveberiya Xweser a kantona Efrîn û Şehba Dilsoz Efrîn axivî û got: "Gerîlayên azadiyê di Herêmên Parastinê yên Medyayê û çiyayên Kurdistanê de berxwedana herî mezin dan meşandin. Bila dijmin bizane ku tu carî gelê Kurd dest ji têkoşîn û berxwedanê bernade."

Her wiha endamê komîteya Ol û Baweriyan a Efrîn û Şehba Şêx Reşîd Hebeş axivî û wiha got: “Zarokên me li Kurdistanê tê dikoşîn. Em ê jî li Şehba û çar perçeyên Kurdistanê têkoşîn bilind bikin.”

Dûre wesîqeya şehadetê hat xwendin û radestî malbatê hat kirin.

ANHA