Li Reqayê turnovaya baskêtbolê ya Şehîd Ronahî Amanos dest pê kir

Li bajarê Reqayê turnovaya baskêbolê ya Şehîd Ronahî Amanos li hola Stada Hêzên Ewlekariya Hundirîn a kantona Reqayê, dest pê kir. 

Li ser asta herêmên Bakur û Rojhilatê Sûriyeyê 4 tîm ji kantonên Cizîr, Firat û Reqayê tev I turnovayê bûne. Turnova wê 2 rojan bidome.

Tîmên Cizîrê, Qamişlo, Kobanê û Reqayê di turnovayê de dilîzin.

Di turnovaya ku ji aliyê Ofîsa Jinan a Desteya Ciwan û Werzîşê ya herêma Bakur û Rojhilatê Sûriyeyê ve tê lidarxistin de, endamên Desteya Ciwan û Werzîşê ya Herêma Bakur û Rojhilatê Sûriyeyê, Desteya Ciwan û Werzîşê ya kantona Reqa, Yekitiya Werzîşê û Meclisa Jinan a Sûriyeyê hazir bûn. 

Di destpêka turnovayê de seroka Ofîsa Jinan a Desteya Ciwan û Werzîşê ya herêma Bakur û Rojhilatê Sûriyeyê Emîne Berkel axivî û got: “Em dikarin bêjin ku werzîş beşeke bingehîn a civakê ye. Armanca me, pêşxistina giyanê hevkariyê û tîmê ye. Em serkeftinê ji her kesî re hêvî dikin.”

Dûre maça yekemîn di navbera tîma Kobanê û tîma Qamişloyê de dest pê kir ku bi serkeftina tîma Qamişloyê bi dawî bû.

Dûre maça duyemîn di navbera tîma Reqa û tîma Cizîrê de dest pê kir ku bi serkeftina tîma Cizîrê bi dawî bû.

Sibe roja dawîn a turnovayê ye. Dê 2 maç hebin, ya yekên  di navbera tîma Reqa û tîma Kobanê de û ya duyemîn di navbera tîma Cizîrê û Qamişloyê de. Tîm û lîstikvanên serkeftî dê ji aliyê Desteya Ciwan û Werzîşê ya Herêma Bakur û Rojhilatê Sûriyeyê ve, bê xelatkirin.

(şx)

ANHA