Li Qamişloyê bîranîna 4 şehîdan
Xelkê bajarê Qamişlo di salvegera 3ˋyemîn de şehîd Yûsif Gulo, neviyên wî Mezlûm û Mihemed Gulo û şehîd Enter Dêrsim bi bîr anîn.
Xelkê bajarê Qamişlo, endamên partî, rêxistinên siyasî, şêx û rûspiyên eşîran li Pakrewangeha Şehîd Delîl Saroxan a Qamişlo merasîma salvegera 3ˋyemîn a şehadeta Yûsif Gulo, her du neviyên wî Mezlûm û Mihemed Gulo û şehîd Enter Dêrsim li dar xist.
Yûsif Gulo û her du neviyên wî Mezlûm û Mihemed Gulo di 9ˋê Mijdara 2021ˋê de ji hêla dewleta Tirk a dagirker ve hatin hedefgirtin, şehîd Enter Dêrsim jî di 11ˋê heman mehê û salê de hat şehîdxistin.
Di merasîmê de endamê Partiya Yekitiya Demokratîk (PYD) Emar Mûsa axivî û got: "Em bi boneya salvegera 3ˋyemîn a şehadetê de Yusif Gulo û her du neviyên wî û Enter Dêrsim bi bîr tînin."
Mûsa wiha domand: "Têkoşer Yûsif Gulo li ser rêça şehîdan meş û îro jî ji bo gelê xwe bû sembol û meşale."
Birayê şehîd Yûsif Gulo, Îbrahîm Gulo axivî û got: "Em îro bi tevahî pêkhteyên herêmê li vî cihî pîroz salvegera 4 şehîdan bi bîr tînin."
Di dawiyê de şêniyan kulîlk danîn ser gorên şehîdan.
(fr)
