Li Minbicê kiryarên çeteyan hatin şermezarkirin

Di van rojên dawî de sûc û binpêkirinên li dijî welatiyên bajarê Minbicê û gundewarê wî ji hêla çeteyên dewleta Tirk a dagirker ve bi awayekî berbiçav zêde bûne.

Di 16ˊê Mijdarê de, çeteyan êrişî şêniyekî gundê Meqte Hecer Kebîr kir û 100 dolarê wî dizî. Çeteyên "Firqeya 80" şêniyê bi navê Ebdullah El Mûsa qetil kir.

Di heman hefteyê de, şênî û çalakvanan ku tevê çalakiya li bajêr bibûn diyar ku bi dehan kiryarên dizîn û talankirinê li hundirê bajêr û derdora wî, bi taybet jî li taxên li ser rêya El Cizîrê, El Serb û kolana 30 çêbûn. Rewşên revandin û dizînê li gundan hatin tomarkirin, çeteyên "Firqeya 80" li ser bendên kontrolê yên li başûrê Minbicê pere ji welatiyan standin, telefon û motorsiklêtên wan desteser kirin.

Ji bo bersivana van bûyeran, xelkê Minbicê di 18ˊê Mijdarê de bi daxwaza hesab ji sûcdaran were xwestin û sînorek ji vê krîza ewlehiyê re were danîn xwepêşandanek girseyî li dar xistibû.

Mamosteyên Minbicê jî ji bo nîşandina dijberiya xwe li hember sekinandina mûçeyan û daxwaza wekhevîkirina karmendan li gorî herêmên din çalakiyek protestoyî li dar xistibû.

Karker û xebatkarên Navenda Heyva Sor li pêş navenda xwe der barê biryarên derxistin û tohmetên têkildarî hebûna binpêkirinên rêveberî çalakiyek protestoyî organîze kiribû.

Girêdayî mijarê, roja înê (21 Mijdar) bi tevlêbûna bi sedan şêniyan û rûspiyên eşîra El Ewn xwepêşandanek girseyî ji bo cezakirina kujerê Ebdullah El Mûsa hatibû lidarxistin.

Çavkaniyên xwecihî diyar kir ku rûspiyên eşîrê xîtabî serçeteyan kir û hişyarî ji bo paşguhkirina van sûcan da ku wê rageşiyek mezin bi xwe re bîne û got ew bi mafên zarokên xwe ve girêdayî ne.

(fr)

ANHA