Li kampa Tiwêhne toz rabû

Ji ber toza ku duh êvarê li kampa Tiwêhne ya li bakurê rojhilatê Tebqayê rabû, zirarên mezin bi konan bûn û 2 kes birîndar bûn.

Li kampa Tiwêhne toz rabû
Li kampa Tiwêhne toz rabû
Li kampa Tiwêhne toz rabû
Li kampa Tiwêhne toz rabû
Li kampa Tiwêhne toz rabû
Li kampa Tiwêhne toz rabû
24 hezîran 2024   17:40
TEBQA

Nûçegihanên me da zanîn ku di encama bahoz û toza ku li kampa Tiwêhne rabûye de gelek kon ketin, zirar bi pergala enerjiya tavê ku ava vexwarinê belav dike de bûye. Her wiha zirar bi 2 navendên tibî  bûne.

Berpirsên kampê diyar kir ku di encama bahoz û rabûna tozê de 180 kon ji cih rabûn û hinek hilweşiyan, di encamê de jî jinek û keçek birîndar bûn.

Endamên Desteya Karûbarên Civakî ya kantona Tebqayê ji bo nirxandina zirarê, şopandina rewşa konan û peydakirina konên nû û vegerandina xizmetên alîkariya bijîşkî û enerjiya tavê, li nav kampê geriya.

Her wiha Desteya Karûbarên Civakî ya Rêveberiya Xweseriya Demokratîk a Herêma Bakur û Rojhilatê Sûriyeyê li nav kampê geriya û daxwazên şêniyan wergirtin.

Kampa Tiwêhnê li bakurê rojhilatê bajarê Tebqayê ye û tê de 911 malbat di hezar û 93 konan de bi cih bûne. Kamp ji aliyê Desteya Karûbarên Civakî ya kantonê ve tê rêvebirin.

(mh)

ANHA