Li Hesekê şehîdên Suryan ên Aşûr hatin bibîranîn
Şêniyên Hesekê şehîdên Suryan ên Aşûr di salvegera şehadeta şehîdên Meclisa Neteweyî ya Bêt Nehrên de ew bi bîr anîn û soza şopandina rêya şehîdan û pêkanîna armancên wan hat dayîn.
Partiya Yekitiya Suryanî ya Sûriyeyê di salvegera şehadeta şehîdên Meclisa Neteweyî ya Bêt Nehrên de, merasîma bibîranînê li goristana şehîdên Suryan ên Aşûr a bajarê Hesekê li dar xist.
Tê de nûnerên Rêveberiya Xweseriya Demokratîk a Herêma Bakur û Rojhilatê Sûriyeyê, partiyên siyasî, endamên saziyên sivîl û leşkerî, malbatên şehîdan û şênî beşdar bûn.
Di serî de endama Partiya Yekitiya Suryanî Meha Şamo şehîdên Meclisa Neteweyî ya Bêt Nehrên bi bîr anîn û got: "Partiya me îradeya xwe ji Meclisa Neteweyî ya Bêt Nehrên girt. Em bi moralê ku em ji şehîdên xwe digirin, ber bi azadî û xelasiyê ve diçin."
Mardiyan got: "Xwîna şehîdên Suryan û ya şehîdên Kurd û Ereb û pêkhateyên din bû yek da ku li dawiyê ev mozaîke niştîmanî derkeve."
Di dawiya merasîmê de li ser gorên şehîdan mûm hatin pêxistin.
(mh)
ANHA
