Li Hesekê ji bo azadiya fîzîkî ya Rêber Abdullah Ocalan meşa girseyî

Bi sedan bajarê Hesekê û koçberên Efrînê ji bo azadiya fîzîkî ya Rêber Abdullah Ocalan bi dirûşma " Azadiya fizîkî ji bo Rêber Apo " meşiyan.

Meşê ji  ber çerxerêya Kevokê ya li taxa Til Hecer a bajarê Hesekê dest pê kir û heta çerxerêya Şehîd Serhed a li taxa Miftî dewam kir. Li wir deqeyekê rêz hat girtin. Ji rêveberên Kongra Star a bajarê Hesekê Nahîd Silemen axivî.

Nahîd destnîşan kir  ku bi rihê gelê qehreman û jinên azad bi saya fikir û felsefeya Rêber Abdullah Ocalan gel azad bûy û wiha got: "26 sal in Rêber Abdullah Ocalan girtiye û tecrîdeke giran li dijî wî tê meşandin. Rêber Apo ji bo azadiya tevahî pêkhateyan tê koşiya. Divê em xwedî li felsefeya Rêber Apo derkevin û ji bo azadiya wî ya fîzîkî tê bikoşin."

Nahîd diyar kir ku Rêber Abdullah Ocalan tiştê ku berê ji bo jinan nehatibû dayîn, da jinan û êdî jinan şoreşa guhertin û pêşketinê bi rê ve bir. Nahîd da zanîn ku jinan xwe di tevahî aliyên rêveberî, rêxistinî, çandî, leşkerî û siyasî xwe bi rêxistin kirin.

Her wiha Hevserokê Meclisa Bajarê Hesekê Farûq Tozo axivî û wiha got: "Bi saya fikir û felsefeya Rêber Abdullah Ocalan em gihiştin vê astê. Herêmên Bakur û Rojhilatê Sûriyeyê bi hev re bi saya projeya ku Rêber Abdullah Ocalan pêşkêş kirin, dijî."

'BANGA AŞTÎ Û CİVAKA DEMOKRATÎK Jİ BO ROJHİLATA NAVÎN ÇARESERÎ YE'

Farûq Tozo diyar kir ku banga Rêber Abdullah Ocalan ji bo Rojhilata Navîn çareserî ye û wiha got: "Ev bang ji bo tevahî cîhanê hate kirin da ku ewlehî û aramî pêk were. Ev bang li ser asta tevahî cîhanê hate qebûlkirin."

Meş bi bi silogana "Bê Serok jiyan nabe" bi dawî bû.

(zş/bb)

ANHA