Li Hesek 233 şehîd hate bibîranîn
Şêniyên Hesekê 233 şehîdên Cotmehê yên ku di dem û cihên cuda de şehîd bûne bi bîr anîn.
Meclisa Malbatên Şehîdan a Hesekê ji bo bîranîna 233 şehîdên meha Cotmehê ku di dem û cihên cuda de şehîd bûne, merasîmek li hola Serdem a Hesekê li dar xist. Her wiha di heman merasîmê de, şehîd Bêrîtan hate bibîranîn.
Malbatên şehîdan, endamên Meclisa Malbatên Şehîdan, şêniyên Hesekê û koçberên Serêkaniyê tev li merasîmê bûn.
Di merasîmê de endama Meclisa Malbatên Şehîdan Rojda Ehmed axivî û got: "Di şexsê wan hevalan de, em şehîd Bêrîtan bi bîr tînin. Dibêjin em hûnê di dil û wijdanê me de zindî bimînin."
Ji fermandarên Meclisa Leşkerî ya Hesekê Hemîd Hesen got şehîdan ji bo parastina vê ax û desktefiyan cane xwe feda kir. Her wiha soz da ku rêya şehîdan temam bikin û destkefiyên wan biparêzin.
Endamê Nivîsgeha Têkiliyan a Hêzên Ewlekariya Hundirîn a Hesekê Mihemed Baqî Xelî jî got: "Bi saya şehîdan em li vir in. Bîranîna wan, erk e."
Di dawiya merasîmê de sînevizyonek têkildarî jiyana şehîd Bêrîtan û wêneyên 233 şehîdan hate pêşandan.
(şx)
ANHA
