Li Den Haagê qedexeya PKK’ê hate protestokirin
Rêxistinên Tevgerên Ciwanên Kurd, zextên dewletên Ewropayê yên li ser Kurdan ên ji ber qedexeya PKK'ê, bi meşekê heta Konsolosxaneya Almanyayê protesto kirin.
![Li Den Haagê qedexeya PKK’ê hate protestokirin](https://hawarnews.com/kr/uploads/images/202311/image_870x_655a69c0894ea.jpg)
Rêxistinên Tevgerên Ciwanên Kurd di çarçoveya pêngava “Ji Abdullah Ocalan re azadî, ji pirsgirêka Kurd re çareseriya siyasî“ li bajarê Den Haag ê Hollandayê hatin ba hev. Endamên Tevgera Ciwanên Şoreşger (TCŞ) û Jinên Ciwan ên Têkoşer (TekoJIN) tevlî meşê bûn.
Meş ji qada Carnegîepleîn hat Konsolosxaneya Almanyayê berdewam kir. Di meşê de wêneyên Rêber Abdullah Ocalan û alên PKK’ê hatin hildan.
Di meşê de dirûşmeyên “Bijî Serok Apo”, “PKK gel e, gel li vir e“ û “Bê Serok jiyan nabe” hatin berzkirin.
Ciwanan li ber Konsolosxaneya Almanya bi zimanê Ingilîzî û Hollandî daxuyanî xwend.
Ciwanan meşa li Berlînê ya li dijî qedexeya PKK’ê silav kir û durûtiya welatên Ewropayê protesto kirin.