Ji Komeleya Newroz pêngava li dijî tundiyê

Komeleya Newroz a Çandî û Civakî bi hevkaraiya Meclisa Jinan a Lubnanê panelek li navenda xwe ya li Beyrûtê li dar xist. Endam û nûnerên komeleyên jinan ên Lubnanê, Kongra Star, PYD û çalakvanên jin beşdarî panelê bûn.

Cîgira seroka Komeleya Newroz a Çandî û Civakî Henan Osman sedema îlankirina roja 25′ê Mijdarê Roja Têkoşîna li dijî Tundiya li ser Jinan a Cîhanê vegot.  Her wiha bernameya komeleyê ya der barê pêngava 25′ê Mijdarê de aşkera kirin. Pêngav îro (25′ê Mijdarê) dest pê kir û dê 10′ê Kanûnê Roja Mafên Mirovan a Cîhanê bi dawî bibe.

Henan Osman li hemberî tundiya sîstematîk a li hemberî jinan girîngiya perwerdeyê destnîşan kir û got, armanc ji qetilkirinên jinên pêşeng ew e ku dengê heq û azadiyê were sekinandin.

Henan Osman destnîşan kir ku li cîhanê tundiya herî zor û qirkirin li dijî jinan tê meşandin û anî ziman ku pergala modernîteya kapîtalst ji jinên ku xwedî li ramanên rêber û ronakbîr Abdullah Ocalan xwediyê projeya neteweya demokratîk, derketine, ditirsin.

Nûnera seroka Meclisa Jinan a Lubnanê mamoste Edla Siblînî, mamoste Meqbula Qeys, qala cureyên tundiya li ser jinan kirin, her wiha perwerdekirin, rêxistinkirin û yekitiya jinan wekî rêbaza rêgirtina li ber tundiyê nîşan da.

Beşdaran rêbazên qanûnî yên ji bo parastina jinan û girîngiya têkoşîna li hemberî zîhniyeta baviksalar nîqaş kirin.

(bb)

ANHA