Hêzên Ewlekariya Hundirîn êrişa li ser baregehên koalîsyon têk bir

Hêzên Ewlekariya Hundirîn bi daxuyaniyekê ragihand ku Hêzên Dezgeha Ewlekariya Giştî û Hêzên Antî Teror (HAT) li gundewarê bajarê Hesekê û gundewarê bajarê Çilaxa 2 çalakiyên ewlehiyê li dar xistin.

Di çalakiyan de şaneyên çeteyan ên ku plan dikir li dijî baregehên Koalîsyona Navneteweyî êrişên berfireh pêk bînin, hatin girtin.

Berdewama daxuyaniyê wiha ye:

"Di operasyoneke pêşîlêgirtinê de piştî nîvê şeva sêşemê (20'ê Tebaxê), cihê serçeteyê girûpê li gundê El Mîzar ê gundewarê Hesekê hate diyarkirin û hêzên me yên Dezgeha Ewlekariya Giştî û hêzên taybet ew girtin û di dema teftîşê û lêgerînê de ev tişt hatin dîtin:

Rokêtên xwecihî yên 107 mm (4)

Bingehên Rokêtan (4)

Heşweyên rokêtan

Di lêpirsîna destpêkê ya bi wî re, cihê 3 çeteyên ku bi wî re kar dikirin, aşkera kir ku li gundê El-Qasimiyê yê bajarê Çilaxa ne. Hêzên me yên taybet (HAT) û Dezgeha Ewlekariya Giştî bi ser wan de girtin, çete girtin, çek û cebilxaneyên bi wan re jî desteser kirin û wiha ne:

2 çekên klaşînkov

4 Cercûrên (mexzen) çekên klaşînkov

Rextê leşkerî

4 Telefon

Hêzên me berdewamiya şopandina her kesê ku ji bo pêkanîna çalakiyên ku ewlehî û aramiya herêmên me dike armanc û armanca wan têkdana aramiyê li wir dike, piştrast dikin."