Girseya Qamişloyê sersaxî da malbata şehîd Ceger Gulo

Gelê bajarê Qamişlo û gundewarê wî sersaxî da malbata şervanê Hêzên Sûriya Demokratîk (QSD) şehîd Ceger Gulo (Ehmed Îbrahîm Gulo) ê ku di 8’ê Gulanê de dema li ser erka xwe bû şehîd bûbû.

Di merasîmê de bi sedan xelkê bajarê Qamişlo, gundewarê wî, Meclisa Malbatên Şehîdan, Partiya Yekitiya Demokratîk (PYD), Kongra Star û Hêzên Ewlekariya Hundirîn amade bûn.

Konê sesaxiyê li pêş mala şehîd Ceger Gulo li taxa Hîlaliyê ya Qamişloyê hat vedan û li bin kon wêneyên şehîd û wêneyên Rêber Abdullah Ocalan hatin daliqandin.

Piştî deqeyeke rêzgirtinê, endamê Meclisa Malbatên Şehîdan Mihemed Emîn axivî û got: "Serê malbata şehîd û tevahî şehîdên azadiyê sax be. 13 sal di ser têkoşîn û berxwedana Rojava re derbas bû û îro bi saya fikra Rêber Abdullah Ocalan û şehîdan em gihîştin vê qonaxê."

Fermandarê Meclisa Leşkerî ya Qamişloyê Nezîr Sofî jî got: "Em tevahî şehîdên 4 parçeyên Kurdistanê bi bîr tînin û soz didin tevan ku em ê li ser şopê wan bin û gelê xwe biparêzin."

Her wiha endama Kongra Star a kantona Cizîrê Şeha Xelîl jî sersaxî da malbatên şehîdan û got ew ê li ser şopa şehîdên xwe bin.

Her wiha zarok Şînda Keleş jî li ser şehîd û malbata wî helbest gotin.

Merasîm bi xwendina wesîqeyê û radestkirina ji malbatê re bi dawî bû.

(fr)

ANHA