Gelên Bakûr û Rojhilatê Suriyeyê ji bo guhdarkirina peyama Rêrtiyê kom dibin

Bi hezaran welatiyên li Bakur û Rojhilatê Sûriyeyê ji bo guhdarî û temaşekirina peyama Rêber Abdullah Ocalan ku dê saet 17.00’an de were dayîn, berê xwe didin, qadên hatine diyarkirin.

ROJANE

27 sibat, 2025 16:12

NAVENDA NÛÇEYAN

Şandeya Îmraliyê ya Partiya Wekhevî û Demokrasiyê ya Gelan (DEM Partî) ku ji Ahmet Turk, Pervîn Buldan, Sirri Sureyya Onder, Tulay Hatîmogûllari, Tuncer Bakirhan, Cengîz Çîçek û Faîk Ozgur Erol pêk tê, ji bo hevdîtina bi Rêber Abdullah Ocalan re, di saetên serê sibehê de çûbû Grava Îmraliyê.

Şandeya ku hevdîtina sêyemîn bi Rêber Abdullah Ocalan re hevdîtin pêk anî, ji gravê vegeriya.

Şande dê saet di 17.00’ê de li Stenbolê bi civînek çapemeniyê peyama dîrokî ya Rêber Abdullah Ocalan bi raya giştî re parve bike.

Piştî ku hat gotin dê îro daxuyanî bê dayîn, li çar aliyên Kurdistanê û Ewropayê li meydanên dehan bajaran ekranên mezin hatin danîn da ku gel bi awayekî zindî peyama Rêber Apo guhdar û temaşe bike.

BAKÛR Û ROJHILATÊ SURIYEYÊ LI BENDA PEYAMÊ YE

Li Bakûr û Rojhilatê Sûriyê jî, ji bo guhdarîkirina peyama Rêbertiyê li Qamişlo, Dêrik, Amûdê, Hesekê, Reqa, Tebqa û Kobanê, her wiha li Helebê li meydanan ekranên mezin hatin danîn.

Piştî ku şandeya DEM Partî ji Îmraliyê vegeriya jî, bi hezaran welatiyan berê xwe dan qadên hatine diyarkirin.

Herikîna girseyan didome.

Kobanê

Heleb

Çil axa

Dêrik

Reqa

Til temir