Di merasîma sersaxiyê ya şehîd Ednan El Edullah de: Mîrasa şehîdan jêdera hêzê ye

Bi sedan şêniyên Minbicê û gundewarê wê, tev li merasîma sersaxiyê ya şehîd Ednan El Ebdullah bûn û sersaxî dan malbata wî. Her wiha endamên Rêveberiya Sivîl, komîte û saziyên wê, partî û Nivîsgeha Parastinê û Meclisa Leşkerî ya Minbicê, Meclisa Malbatên Şehîdan, Meclisa Kombûna Jinan a Zenûbya û rêxistinên civaka sivîl ên Minbicê jî tev li merasîmê bûn.

Di merasîmê de endamê Meclisa Malbatên Şehîdan Nîzar Cawîş axivî û got: “Şehîdan di oxira vê axa pîroz de, canê xwe feda kirin. Divê em jî têkoşîn û berxwedanê li ser şopa wan berdewam bikin ji bo ku Bakur û Rojhilatê Sûriyeyê ewle bibmîne.

Endama Meclisa Herêma Rojhilat Emîne Kanan jî soz da ku li ser şopa şehîdan tê bikoşin û destnîşan kir ku bi saya fedakariyên şehîdan, jiyana bi rûmet li herêmê peyda bû.

Endamê Nivsîgeha Parastinê ya Minbicê Îbrahîm Şilaş axivî û balkişand ser mîrasa şehîdan û got: “Ev mîras ji bo me jêdera hêzê ye. Şehîdên herêmê, sembola welatparêzî û serbilindî û serfiraziyê ne.”

Dawiya merasîmê, wesîqeya şehadeta şehîd hate xwendin û radestî malbatê hate kirin.

Şêniyên Minbicê cenazeyê şehîd Ednan El Ebdullah duh li Goristana Şehîdan a Minbicê veşartibû.

(şx)

ANHA