Di encama êrişan de li Kobanê gelek dever wêran bûn

Nûçegihanên ajansa me li Kobanê, wêne û dîmenên deverên ku rastî êrişan hatine kişandin.

ROJANE

25 cotmeh, 2024 14:19

KOBANÊ

Dewleta Tirk a dagirker şeva borî êrişên xwe yên li ser bajarê Kobanê û gundewarên wê zêde kirin. Di êrişn de navendên giştî û xizmetguzariyê, depoyên genim û navenda bajêr hatin bombebarankirin.

Di êrişên şeva borî û îro de kargeheke çêkirina makîneyan li ser rêya Helebê ya welatiyê bi navê Ehmed Muslim, depoyên genim li gundê Rufî li başûrê bajarê Kobanê, bendên kontrolê yên hêzên ewlekariya hundirîn li bajarê Şîran ê rojhilatê Kobanê, Rêya Cerablusê li rojavayê bajêr, derdora Girê Miştenûr, derdora stadyuma nû û navenda bajêr bi dronan hatin bombebrankirin.

Di encama bombebarana depoyên genim ên gundê Rufî de, karkerê bi navê Hisên El Deas şehîd bû û 7 karker birîndar bûn, birîna yekî jî giran e.

Ji şeva borî ta sibeha îro gundewarên rojavayê Girê Spî û Eyn Îsa û rêya navneteweyî tê topbarankirin.

Bajar a niha hinekî aram e, balafirên bêmirov li ser kantona Firatê digerin.

(k)