Dayikên şehîdan hatin xelatkirin û mûm li pakrewangeha hatin pêxistin

Bi boneya Roja Jinan a Cîhanê Meclisa Malbatên Şehîdan dayikên şehîdan xelat kirin û li ser gorên şehîdan mûm pêxistin.

ROJANE

7 adar, 2024 21:32

QAMIŞLO

Meclisa Malbatên Şehîdan a navçeya Girkê Legê bi boneya Roja Jinan a Cîhanê çalakiyek li hola Grand Land a navçeyê li dar xist. Di çalakiyê de dayikên şehîdan hatin xelatkirin.

Rêvebera meclisê Dîlan Elî 8'ê Adarê li tevahî jinên cîhanê û li dayikên şehîdan bi taybet pîroz kir û got: "Jinan bi fikrên Rêber Abdullah Ocalan xwe û îradeya xwe nas kir û ji bo azadiya xwe tê koşiyan."

Piştre sînevîzyonek li ser 8'ê Adarê û têkoşîna jinan li dijî hişmendiya baviksalarî hat pêşandan.

MÛM LI SER GORÊN ŞEHÎDAN HATIN PÊXISTIN

Li kantona Firatê li Pakrewangeha Şehîd Dîcle ya Kobanê li ser gorên şehîdan mûm hatin pêxistin.

Li pakrewangehê endama rêvebera Meclisa Jinan a Partiya Yekitiya Demokratîk (PYD) Sara Xelîl axivî û got: "Em 8ˊê Adarê li tevahî jinên têkoşer, Rêber Abdullah Ocalan û jinên cîhanê pîroz dikin."

Jin û endamên Saziyên Civaka Sivîl û koçberên Efrînê yên li Şehbayê mûm li ser gorên şehîdan li Pakrewangeha Şehîdên Berxwedana Serdemê pêxistin.

Di çalakiyê de endama Meclisa Malbatên Şehîdan a Kantona Efrîn û Şehbayê Sureya Hebeş axivî û soza şopandina rêya azadiya jinê ku Rêber Abdullah Ocalan daniye, da.

Li Dêrikê yê Qamişloyê jî bi boneya 8ˊê Adarê mûm li ser gorên şehîdan li Pakrewangeha Şehîd Xebat pê xistin.

(fr)

ANHA

Kobanê

Dêrik

Efrîn Şehba