Ciwanan ji bo azadiya Rêber Abdullah Ocalan konferansek li dar xist

Tevgera Ciwanên Şoreşger a Sûriyeyê  konferansek bi mijara nîqaşkirina erka ciwanan ji bo pêkanîna azadiya fîzîkî ya Rêber Abdullah Ocalan li hola Starlayt a herêma Şiqeyêf a bakurê taxa Şêxmeqsûd a Helebê li dar xist. Di konferansa ku bi dirûşma "Me bi ciwantî dest pê kir em ê bi ciwantî bi ser bikevin" hat lidarxistin de endamên Tevgera Ciwanên Şoreşger a Sûriyeyê, nûnerên ciwanan ên di saziyên sivîl de û partiyên siyasî beşdar bûn.

Destpêkê perspektîfên Rêber Abdullah Ocalan ji aliyê endama Yekitiya Jinên Ciwan Biharîn Efrîn ve hatin xwendin. Piştre sênevîzyonek li ser têkoşîna Rêber Abdullah Ocalan hat nîşandan.

Beşdaran li ser çawaniya pêkanîna azadiya fîzîkî ya Rêber Abdullah Ocalan nêrînên xwe anîn ziman.

Endama Tevgera Hîlala Zêrîn ya Çanda Jinan Axîn Reşo girîngiya xwendina pirtûkên Rêber Abdullah Ocalan û zêdekirina perwerdeyan destnîşan kir û got, divê ciwan neyên lîstokên şerê taybet û li hemberî wê têkoşînê geş bikin.

Endamê Tevgera Ciwanên Şoreşger a Sûriyeyê Şukrî Elo wiha axivî: "Em bi saya Rêbertî gihîştine vê astê û me têkoşîna xwe ji berxwedana wî digirt."

Di dawiyê de encamnameya konferansê ji aliyê endama Koordînasyona Yekitiya Jinên Ciwan a Bakur û Rojhilatê Sûriyeyê Hêva Bekir ve hat xwendin.  Di encamnameyê de girîngiya ku ciwan xwe li gorî fikrên Rêber Abdullah Ocalan hat vegotin. Ji bo pêkanîna azadiya wî ya fîzîkî jî banga mezinkirina têkoşînê hat kirn.

Konferans bi siloganên "Bê Serok jiyan nabe" bi dawî bû.

(mh)

ANHA