Çavkaniyeke leşkerî: Şaneyeke DAIŞ’ê ji rojavayê Firatê derbas dibe û êriş dike

Şaneyeke çeteyên DAIŞ’ê ji qeraxa rojavayê çemê Firatê, bi taybetî ji herêma Sibeyxan û çola di navbera bajarên El Bukemal û El Meyadîn de, derbasî rojavayê çemê Firatê bûn û êrişî xaleke kontrolê ya QSD’ê ya li bajarokê Ebû Hemamê kir. Şervanên QSD’ê bersiv dan û êriş têk birin.

3 mijdar, 2025 11:53

NAVENDA NÛÇEYAN

Çavkaniyeke leşkerî ya li gundewarên rojhilatê Dêrazorê diyar kir ku êrişa îro sibehê li dijî xaleke kontrolê ya Hêzên Sûriyeya Demokratîk (QSD) li bajarokê Ebû Hemamê pêk hatiye, ji aliyê şaneyeke DAIŞ’ê ve hatiye kirin, ew şane ji rojavayê çemê Firatê derbas bûne.

Çavkaniyê aşkera kir ku şaneya DAIŞ`ê ji herêma Sibeyxan û çola di navbera El Meyadîn û El Bûkemalê de derbas bûye, ji ber ku wan herêman valahiya ewlehiyê heye, li wir xwe ji nû ve bi rêxistin dikin û derbasî deverên di bin kontrola Meclisa Leşkerî ya Dêrazorê dibin da ku êrişan li dijî hêzên QSD’ê pêk bînin.

Çavkaniyê destnîşan kir ku şervanên QSD’ê tavilê bersiva êrişê dan û êriş têk birin, êrişkar jî vekişiyan cihê ku jê hatine.

Çavkaniyê destnîşan kir ku ev êriş ne ya pêşî ye, ji ber ku çeteyan gelek caran hewl daye ku ji deverên di bin kontrola hikumetê de derbas bibin da ku êrişên wiha pêk bînin.

Navenda Ragihandinê ya QSD'ê berê di daxuyaniyekê de ragihandibû ku wan êrişa şaneyên çeteyên DAIŞ`ê têk biriye û ji bo xurtkirina ewlehî û aramiya herêmê operasyonek pêk aniye.

(k)