Çalakvanên Fransî bi Kongra Star re civiyan

Kongra Star di civîna xwe ya li gel çalakvanên Fransî de ezmûna jinên li herêmê vegot.

21 nîsan, 2025 13:01

NAVENDA NÛÇEYAN

Şandeyeke Fransî ku ji jinên çalakvanên mafên jinan pêk tê, bi armanca ku ezmûna jinên li Bakur û Rojhilatê Sûriyeyê ji nêz ve nas bike, serdana Komîteya Têkilî û Peymanên Siyaseta Demokratîk a Kongra Star a li bajarê Qamişloyê kir. Ev serdan di çarçoveya vexwendinên ku Kongra Star ji şandeyên navneteweyî yên têkildarî pirsigrêkên jinan û rêxistinên civakî re şandibûn, hat kirin.

Endamên Kongra Star ji şandeyê re mekanîzmaya rêxistinên jinan ên li Rojava, rêbazên xweparastina civakî û parastina jinan nirxandin. Endamên Kongra Star her wiha rêbazên çareserkirina pirsgirêkan, rola jinan di hemû saziyan de û wekheviya zayendî ya di rêvebirinê de agahdar kir.

Endamên şandeyê hevdîtina bi Kongra Star re girîng nirxand û diyar kirin ku divê ezmûna dewlemend a li herêmên xwe bi civakên xwe re parve bikin da ku xebata jinan û rola wan di jiyana siyasî û civakê de bi pêş bixin.

(bb)