Bi sedan şêniyan sersaxî da malbata şehîd Azadî Helebce

Şêniyên bajarên Dêrik, Girkê Legê, Çilaxa sersaxî da malbata şervana Yekîneyên Parastina Jin (YPJ) Azadî Helebce.

ROJANE

11 kanûn, 2025 14:20

QAMIŞLO

Şervana YPJ`ê şehîd Azadî Helebce îro bi merasîmekê li Pakrewangeha Şehîd Xebat Dêrik a li bajarê Dêrikê, spart axê.

Merasîma sersaxiyê li Navenda Şehîd Bawer a Ciwanên Şoreşger li bajarê Dêrikê bi deqeyeke rêzgirtinê dest pê kir.

Endamê Meclisa Malbatên Şehîdan li Dêrikê, Ciwan Hesen axivî û bal kişand ser rola şehîdan a ji bo bidestxistina aştî û jiyaneke birûmet ji bo hemû gelan. Hesen wiha lê zêde kir: "Şehîdên ku li gorî raman û felsefeya Rêber Abdullah Ocalan têkoşiyan, roniyên aştiyê ne û fedakariya wan di dîrokê de hatiye nexişandin.”

Endamê Meclisa Efrînê li Girkê Legê Henan Sîdo got: "Divê em soza xwe nû bikin ku em li ser şopa şehîdan bimeşin, ji ber ku wan biratiya gelan û jiyana hevbeş di navbera hemû civakan de ava kirin û wan herêm ji komplo û xiyanetê parastin. Şehîd dudil nebûn ku xwîna xwe ji bo rizgarkirina hemû civakan feda bikin.”

Merasîm bi dirûşmên dilsoziya bi şehîdan re bi dawî bû.

(k)