Li Bakur û Rojhilatê Sûriyeyê Pîrozbahiyên Newrozê didomin
Li gund û bajarên Herêma Bakur û Rojhilatê Sûriyeyê bi boneya Newrozê çalakiyên pîrozbahiyê hatin lidarxistin.
Di çarçoveya rêzepîrozbahiyên Newrozê de, Rêveberiya Dibistanan li Tirbespiyê ji xwendekaran re şahiyeke hunerî, şano û stran li dar xist.
Di şahiyê de koma xwendekarên Dibistana Şehîd Cahîde Ronak şanoyek li ser berxwedana lehengane ya sembolê Newrozê Kawa Hesinkar, koma Şehîd Ezîme stran pêşkêş kirin.
Li kantona Minbicê jî bi beşdaran xelkê xet, meclisên sivîl, Meclisa Malbatên Şehîdan, Kombûna Jinan a Zenûbiya, Nivîsgeha Rêxistina Koçberên Şehba û Efrînê û partiyên siyasî agirê Newrozê hat dadan.
Malbatên şehîdan agirê Newrozê pêxistin.
Dûre beşdaran dîlan li ber stranên şoreşgerî gerandin.
(fr)
ANHA
MINBIC
TIRBESPIYÊ
