Bi boneya 4`ê Nîsanê çalakiyên cihereng

Çalakiyên bi boneya 4`ê Nîsanê têne lidarxistin, didomin.

HESEKÊ

Kongra Star li bajarê Hesekê 350 dar li nêzî bendava Xerbî çand.

Her wiha şagirtan çalakiyeke hunerî li dar xist. Wêneya Rêber Abdullah Ocalan li parka 4`ê Nîsanê hildan, helbest û nameyên ku şargirtina ji Rêber Abdullah Ocalan re nivisîne, xwendin.

Her wiha Şaredariya Gel a Dirbêsiyê 50 dar li parka 8`ê Adarê çand.

Ji bo zarokên şehîdan re li navçeya Til Temirê şahiyek hate lidarxistin û diyarî li zarokan hatin belavkirin. Her wiha zarokan bernameyên hunerî wek govend û stran pêşandan.

DÊRIK

Kongra Star bi koordîneya Şubaya Hawîrdorê û Parkan a Şaredariya Gel a Dêrikê 100 dar çand. Di çalakiyê de bi dehan endamên saziyên Rêveberiya Xweseriya Demokratîk a Dêrikê hazir bûn.

Li gorî bernameya Kongra Star şêniyên navçeyê Wê sibe Rojbûna Rêber Abdullah Ocalan li parkê pîroz bikin.

TIRBESPIYÊ

Kongra Star a navçeya Tirbespiyê civînek ji şêniyên navçeyê re li hola Partiya Yekitiye Demokratîk (PYD) li dar xist.

Di civînê de, endama rêveberiya Kongra Star a kantona Cizîrê Şaha Xelîl axivî û got: "Rojbûna Rêber Abdullah Ocalan, vejîna azadiyê ji bo gelên herêmê ye ji ber ku bi fikrê xwe ji bo doza gelê xwe û pêkhateyên din tê dikoşe."

Şaha diyar kir ku tenê Rêber Abdullah Ocalan fikrên rizgarkirina jinan sepandin.

Di dawiyê de Şaha got: "Divê em Rêberê xwe azad bikin mîna ku bi fikrê xwe cîhan tev da azad kir."

ÇILAXA

Li navçeya Çilaxa Kongra Star civînek li hola Navenda Çandî li dar xist. Bi dehan şênî, endamên saziyên sivîl, xizmetguzariyê, Mecilsa Navçeyê, Meclisa Malbatên Şehîdan, nûnerên partiyan tev li civînê bûn.

Di civînê de endama rêveberiya Komîteya Rêveberiya Dibistanan a navçeya Çilaxa Nezhe Sêf axivî û got: "Kî Rêber Abdullah Ocalan nas neke, nikare li ser rêya wî bimeşe. Ji bo ku em bikarin rêya wî bişopînin divê em rastiya wî nas bikin. "

Dûre sinevizyonek têkildarî têkoşîna Rêber Abdullah Ocalan hate pêşandan.

TIL HEMÎS

Meclisa Malbatên Şehîdan a navçeyê ji bo zarokên şehîdan, şahiyek li Navenda Çandî ya navçeyê li dar xist.

Di şahiyê de, zarokên şehîdan bernameyên xwe yên hunerî pêşandan. Dûre Meclisa Malbatên Şehîdan diyarî li zarokan belav kirin.

AMÛDÊ

Meclisa Malbatên Şehîdan a Amûdê bi hevkariya Hêzên Sûriya Demokratîk (QSD) ji zarokên şehîdan re şahiyek li hola PYD`ê ya li navçeyê lidar xist. Di şahiyê de zarok, hevjîn û dayîkên şehîdan hazir bûn.

Hevseroka Meclisa Malbatên Şehîdan a navçeya Amûdê Îlham Hisên axivî û 4`ê Nîsanê li gelê Kurdistanê pîroz kir û got ev roj, vejîna azadî û mirovahiyê ye.

Îlham soz da ku heta dawiyê li ser rêya şehîdan tê bikoşin.

Dûre koma Şehîd Yekta ya şanoyê ya Navenda Çandî ya Amûdê şanoyek bi navnîşan "Turikê parsiyê" û koma Şehîd Bêrîtan stranên xwe pêşandan.

Di dawiya şehîdiyê de şêranî û diyarî li zarokan hatin belavkirin.

Di heman çarçoveyê de Şaredariya Gel bi koordîneya Platforma Ekolojiyê ya Jinan dar li derdora navçeya Amûdê çand. Dayîk, endamên saziyên civaka sivîl, Kongra Star tev li vê çalakiyê bûn.

(şx)

ANHA