‘Berxwedana ku ji Kobanê dest pê kir li Tişrînê berdewam e’

Welatiyên Kobanê derbarê êrişên dewleta Tirk û çeteyên wê li ser bendava Tişrînê û li hember van êrişên berxwedana şervanên QSD`ê û YPJ`ê bi berxwedaniyeke bê hempa didin meşandin, nêrînên xwe ji ajansa me re anîn ziman.

Fîraz Qasimlo diyar kir ku ew ê her tim bendava xwe ji êrişên dewleta Tirk a dagirker û faşîst biparêzin û axaftina xwe wiha dom kir: “Dewleta Tirk a dagirker di 2014`an de çawa destek dida çeteyên DAIŞ`ê ji bo heman tiştê dike.

Qasimlo destnîşan kir ku dewleta Tirk bi hemû êrişên xwe yên hovane carek din dixwaze bendava Tişrînê ji dagirbike û got: “Çawa ku şervanên me Kobanê kirin gora çateyên DAIŞ`ê wê vê careke jî şervanên me bendava Tişrînê bikin goran dewleta Tirk a dagirker.”

Aliya Simaîl Mihemed anî ziman ku ew ê bi hemû hêza xwe bi piştgiriya şervanên QSD`ê û YPJ`ê bikin û wiha pê de çû: “Şervanên me xwedî hêzê ne ku çawa çete pêk birin.

Şervanên me ji bo parastina axa û welatê xwe bi hemû hêza xwe têkoşîn dikin û li ber xwe didin. Berxwedana ku ji Kobanê dest pê kirî îro jî li Bendava Tişrînê berdewam e.”

Aliya diyar kir ku ew ê bi şahiya serkeftinê dîlan li tevahî Cîhanê bê gerandin û got: “Emê bi şahiyekê pîrozbahiya têkçûna dewleta Tirk a dagirker li her çar parçeyên Kurdistanên bigerînin, wê şervanên me bi serbikevin û her tim serkeftina her para me bê.”

Ferhad Mihemed Nesan êrişên li ser bendava Tişrînê şermezar kir û ev tişt li axaftina xwe zêde kir: “Em ê li hember êrişên dewleta Tirk a dagirker li ber xwe bikin da ku em têkoşîna wan li bendavê ji tevahî Cîhanê re ragihînin.”

`EMÊ AX Û BENDAVA XWE BIPARÊZIN`

Mehemed Nesan anî ziman ku ew tu carî dest ji axa xwe bernadin wê axa xwe bi hemû hêza xwe biparêzin ji dagirkeriyê û wiha domand: “Ev der axa me ye, bendav bendava meye wê ji dijmin re bibe xewn û xeyal, em ê bi hemû hêza xwe ax û bendava xwe biparêzin.”

ANHA