‘Azadiya Rêber Abdulah Ocalan doza gelên azadîxwaz e’

Jinên ciwan Banga Aştî û Civaka Demokratîk a Rêber Abdulah Ocalan wek banga ji xwe re dibînin. 

Di vê derbarê de endama Yekitiya Jinên Ciwan Meram Mihemed ji ajansa me re axivî û got Rêber Abdulah Ocalan projeyeke hevgirtî ji bo avakirina civaka demokratîk a xwe dispêre azadiya jinan û rola wan a çalak di aliyên siyasî û civakî de, pêşkêş kiriye.

Meramê di berdewama axaftina xwe de destnîşan kir ku pêkanîna banga aştiyê bi pêkanîna azadiya fîzîkî ya Rêber Abdullah Ocalan ve girêdayî ye û wiha dewam kir: “Ji bo pêkanîna vê yekê rola ciwanan giringe. Bi teybet di fêmkirina firkê Rêber Abdulah Ocalan a rast û piratîzekirina wê. Ji ber firkrê Rêbertî hêmanê bingehîn ê tevgerkirina civakan e.”

Merasm Mihemed bal kişand ser giringiya bilinkirina asta tekoşîna ji bo azadiya Rêber Abdulah Ocalan bi taybet di riya rêxistinbûnê, zanistê û beşdariya çalak di qadên siyasî û civakî de, di heman demê de aşkerekirina siyastên ji bo astengkirina netewa demokratîk ên têne kirin.

Jina ciwan a bi navê Nûr Mihemed jî derbarê mijarê de axivî û destnîşan kir ku azadiya fîzîkî ya Rêber Abdulah Ocalan ne daxwazeke kesayetî ye, lê belê dozeke girêdayî pêşeroj û hebûna gelên azadîxwaze. Di heman demê de kilîta aştiya rast a herêmê ye û got: “Ji erka me ciwanan e em tekoşîna xwe mezin bikin, heta dawî li tecrîdê bînin û Rêberê xwe di nava xwe de bibînin.”

Nûr Mihemed bal kişand ser rola ciwanan bi taybet a jinan û da diyarkirin ku jin bingeha tevgera civakê ne û wiha dom kir: “Em di rêya însiyatîfên siyasî û civakî de kar dikin. Em hebûna xwe wekî şirîkên bingehîn ên aştiyê nîşan didin. Ne wekî qurbaniyên şer û aloziyan.”

Jina ciwan Heyfa Kurdo li ser mijarê axivî û da zanîn ku banga aştî û civaka demokratîk a Rêber Abdulah Ocalan ne mumkine ji şerê azadiyê were qutkirin û ev tişt anî ziman: “Domandina tecrîda giran a li ser Rêberê me tê wateya hedefgirtina îradeya galên azadîxwaze, Jinên ciwan xwedî wê hêzê ne, bibin çalakvanên sereke yên pêkanîna aştiyê. Ev bi şikandina bê dengiyê û redkirina zihniyeta desthiladariya mêr, pêkane.”

Heyfa di dawiya axaftina xwe de jî tekez kir ku di vê demê de pêwistî bi zêdekirina asta tekoşînê û di serî de ev ji ciwanan tê xwestin ku rola xwe ya çalak di pêkanîna guhertinê de bilîzin.

(dc)

ANHA