Akademiya Jineolojî bi pirtûkên şehîdan tevlî pêşangehê dibe

Akademiya Jineolojî ya li Bakur û Rojhilatê Sûriyeyê bi 4 berhemên nû yên sala 2024`an ku berxwedana jinan li hermberî êrişên li dijî herêmê û têkoşîna wan a li beramberî sîstema baviksalarî û desthildar vedibêje beşdarî Pêşangeha Pirtûkan a Şehîd Herekol a 8`an dibe.

PIRTÛKÊN ŞEHÎDAN

Rêzeçîrokên “Bêhna Xweliyê” a Akademîsyen, rojnamevan û nivîskar Şehîd Zîlan (Nagîhan Akarsel) a ku di 4`ê Cotmeha 2022`an di encama êrişeke çekdarî ya MÎT`ê  de li bajarê Silêmaniyê hate şehîdxistin.

“Bi Jineolojî Nirxandinek li ser Nasnameya Mêr” a Endamê Rêveber ê Komîteya PKK`ê û Endamê Fermandariya HPG`ê Atakan Mahîr (Îbrahîm Çoban) ku di 11`ê Tebaxa 2018 li navçeya pûlûmûr a girêdayî bajarê Dêrsimê li Bakurê Kurdistanê şehîd bûye.

TÊKOŞÎNA JINAN

“Berxwedaniya Zeriya (Çîrokên Jinan ên Qewmê Rojê)” a Nivîskar Rojbîn Deniz e.

“Çîrokek ji Çîroka Berxwedaniyê (Sara Xelîl)” a Nivîskar Evîn Nejdet.

Her du pirtûkên navborî girêdayî serpêhatiyên jinên Êzdî li Şengalê û berxwedana jinan a li  Kobanê ye.

`MEREQA JINAN A NASKIRINA MIJARÊN PIRTÛKAN HEYE`

Endama Akademiya Jineolojî Yasmîn Mihemed da zanîn ku hejmareke baş serdana pêşangehê dikin û meraqa jinan a naskirina mijarên pirtûkan li pêşangehê tê dîtin.

Akademiya Jineolojî bi dehan weşanên têkildarî teoriya Jineolojiyê, lêkolînên jineolojiyê û pirtûkên Rêber Abdullah Ocalan ên bi zimanê Kurdî, Erebî û Tirkî jî beşdarî pêşangehê bûye. Akademiya Jineolojî ji dewreya yekemîn a Pêşangeha Pirtûkan a Şehîd Herekol ve beşdar dibe.

ANHA