99 şehîd bi bîr anîn

Li bajarokê Rimêlanê 99 cangoriyên azadiyê yêm mehên îlon, cotmeh, mijdar û kanûnê hatin bibîranîn.

ROJANE

18 kanûn, 2025 14:30

QAMIŞLO

Meclisa Malbatên Şehîdan a bajarê Girkê Legê yê kantona Cizîrê merasîma bîranîna 99 şehîdên mehên îlon, cotmeh, mijdar û kanûn li dar xist.

Bîranîn li Navenda Çand û Hunerê ya Aram Tîgran a bajarokê Rimêlanê bi amadebûna malbatên şehîdan, şêniyên bajar û gundewarên Girkê Legê û Rimêlan û nûnerên saziyên sivîl hat lidarxistin.

Merasîm bi deqeyek rêzgirtin dest pê kir. Piştre şêwirmenda hevserokatiya Meclisa Bajarê Girkê Legê Rûken Cûdî axivî û behsa rola şehîdan di pêkanîna ewlehiya herêmê de kir.

Rûken Cûdî anî ziman ku xwedîderketina li nirxên şehîdan berpirsyariya her kesî ye got: "Em hêz û îsrara xwe ji şehîdan digirin."

Dayikan mûm li ser wêneyên şehîdan pêxistin û bi rêya sînevîzyonekê wêneyên wan hatin pêşandan.

Merasîm bi xwendina wesîqeyên şehîdan û berzkirina dirûşmên "Şehîd namirin" bi dawî bû.

(b)

ANHA