4’ê Nîsanê bi şahî û çandina daran hat pîrozkirin

Li bajarên Herêma Bakur û Rojhilatê Sûriyeyê bi boneya 4’ê Nîsanê, Rojbûna Rêber Abdullah Ocalan, rêzeçalakî hatin lidarxistin.

ŞEDADÊ

Kongra  Star bi boneya 4’ê Nîsanê şahiyek bi beşdariya endamên saziyên Rêveberiya Xweser û partiyên siyasî li bajarê Şedadê li dar xist.

Di şahiyê de endama Kongra Star Emîre El Seed rojbûna Rêber Abdullah Ocalan pîroz kir û diyar kir ku ew ê heta pêkanîna azadiya fîzîkî ya Rêber apo tê bikoşin.

Li aliyekî din jî rêvebera Meclisa Bajarê Şedadê Yasmîn El Hisên jî rojbûna Rêber Abdullah Ocalan pîroz kir.

Rêveberê Partiya Yekitiya Demokratîk a bajarê Şedadê Mihêdî El Dixêm rojbûna Rêber Abdullah Ocalan pîroz kir û got: "Rêbertî di oxira gel azadiya xwe bi dest bixin û netewe bi pêş bikeve de tê dikoşe. Ew sembola hêza vînê û berxwedanê li dijî dewleta Tirk a dagirker e."

Şahî bi stran û govendê, her wiha bi çendina şitilan li bajarokê Mergede, bi dawî bû.

REQA

Meclisa Bajarê Hezîme yê bakurê kantona Reqayê çalakiyek li dar xist. Di çalakiyê de darên zeytûn, lêmon û hejîr hatin çandin. Di çalakiyê de endamên sivîl ên gundewarê bakur û xelkê herêmê beşdar bûn.

Rêvebera Meclisa bajarê Hezîme Meryem Reşîd axivî û got: "Îro ji bo me rojeke dîrokî ye, roja rojbûna fîlozof, ramyar, wêjevan, siyasetmedar û şoreşger Rêber Abdullah Ocalan e."

Reşîd wiha domand: "Rêber Abdullah Ocalan nûnertiya fikra mirovahiyê dike û li hember kapîtalîstê û dewletên mêtinger banga biratî û yekitiyê dike."

TIL BIRAK

Li qada Navenda Çandê ya Til Birakê bi beşdariya endamên saziyên sivîl û leşkerî şahiyek hat lidarxistin. Her wiha piştre 90 darên hawîrdor û xemlê li para taxa başûrê Til Birakê hatin çandin.

Endama Partiya Yekitiya Demokratîk (PYD) Mizgîn Botan axivî û got: "Îro ne weke rojên berê ye, di îro de bi jidayikbûna rêber Abdullah Ocalan azadî jî pêk hat."

Endama Kongra Star a Til Birakê Sîmav Etê rojbûna Rêber Abdullah Ocalan pîroz kir.

Şahî bi diruşmeyên silavkirina berxwedana Rêber Abdullah Ocalan bi dawî bû.

DÊRIK

Endamên Komîteya Aborî ya Jinan a kantona Cizîrê 65 şitlên darên hawîrdorê li Şitilgeha Jiyan a gundê Melamezrî yê Dêrikê çandin.

Dûre beşdaran li ber stranan govend gerand.

ÇILAXA

Li Parka Rêbertî ya li gundê Zexîre yê gundewarê bajarê Çilaxa bi boneya rojbûna Rêber Abdullah Ocalan  darên hawîrdorê û berhemdar û kulîlk hatin çandin.

KOBANÊ

Endamên Desteya Jîngehê, Kongra Star, sazî û desteyên Rêveberiya Xweseriya Demokratîk a kantona Firatê li gundê Siftekê yê rojavayê Kobanê, Daristana Şehîd Xeyrî û navenda bajarê Çelebiyê yê Kobanê şitlên curbecûr çandin.

Piştî çandina daran daxuyaniyek ji hêla endama Kongra Star a Kobanê Hêvîn Elî ve hat xwendin. Di daxuyaniyê de 4’ê Nîsanê li gerîla, şervanên li eniyan hat pîrozkirin.

DÊRAZOR

Meclisa Rêveber a gundewarê rojavayê kantona Dêrazorê 200 darên curbecur çandin. Di çandinê de xelkê gundewar, nûnerên ji meclisên herêmî, saziyên sivîl û endamên saziyên giştî yên kantonê hatin çandin.

(fr)

ANHA