Şêniyên Minbicê: Tenê li ber fedakariyên şehîdan em çok datînin

Endamên Meclisa Malbatên Şehîdan, xet û meclistên sivîl, partî, rêxistinên civaka sivîl, Rêveberiya Sivîl a Demokratîk, komîteyên wê, Meclisa Leşkerî ya Minbicê û Meclisa Leşkerî ya Jinan li goristana şehîdên Minbicê tev li merasîma her du şehîdan bûn.

Di merasîmê de endamê rêveberiya Meclisa Malbatên Şehîdan Mehmûd El Îdo axivî û got şehadeta pileya herî bilind e ku mirov di oxira parastina gel û welatê de dikare bigihêjê.

Şêwirmendê Rêveberiya Sivîl a Demokratîk Şiyar Mihemed wiha anî ziman: “Dijminên projeya neteweya demokratîk, wê her tiştî bikin, gelê herêmê bikuje, sûcên din li dijî wî pêk bîn. Şehîd û fikrên wan di bîra me de zindî ne. Tu hêz nikare me paşde vegerîne. Yên dixwazin em çok deynin, ji wan re dibêjin, em tenê li ber şehîd û şervanan çok datînin.”

Şiyar Mihemed soz da ku çekê şehîdan li erdê nehêlin û heta pêkanîna serkeftinê têkoşîna wan berdewam bikin.

Ji fermandarên Meclisa Leşkerî ya Minbicê Mihemed Elî axivî û soz da malbatên şehîdan û gelê herêmê ku rêya şehîdan berdewam bikin û axa ji bo wê şehîd bûne, biparêzin.

Di dawiyê de wesîqeyên şehadeta her du şehîdan hatin xwendin û radestî malbatan hatin kirin. Cenazeyê şehîd Yehya El Ebûd li goristanê hate veşartin.

(şx)

ANHA