Cenazeyê du şehîdên QSD'ê bi merasîmekê li Şedadê hatin veşartin

Şeniyên herêma başûr a kantona Hesekê cenazeyê şervanê QSD'ê  Ramî El-Heco (Girnas Hesekê) ê ku 30'ê Tîrmeha 2022'an di êrişa dewleta Tirk a dagirker a li ser gundê Esediyê yê Zirganê de şehîd bû û Ehmed El-Hemîd (Kawa) ê 28'ê Tîrmeha 2022'an dema erka xwe bi cih dianî li herêma Zîban a Dêrazorê şehîd bûbû, bi merasîmekê li goristana şehîdan a navçeya Şedadê spartin axê.

Şêniyan cenazeyê şehîdan ji avahiya Meclisa Malbatên Şehîdan a bajarê Hesekê wergirtin û bi karwanekî erebeyan ku bi wêneyên şehîdan û alên QSD'ê hatibûn xemilandin ber bi goristana şehîdan a navçeya Şedadê ve ketin rê.

Li goristanê deqeyeke rêz hat girtin û ji aliyê şervanên QSD'ê ve toraneke leşkerî hat lidarxistin.

Bi navê Meclisa Malbatên Şehîdan, endama meclisê Îman El-Ferec axivî û sersaxî ji malbata şehîdan re xwest û soza şopandina xeta wan heta pêkanîna xeyalên wê da.

Fermandarê Meclisa Leşkerî ya Şedadê Ewde El-Hisên bi navê meclisê axivî û got: "Em şerê hemû cûreyên terorê dikin ji terora cîhanî ya DAIŞ û şaneyên wê heta terora dewleta Tirk a dagirker dikin ku bi hemû rêbazan, bi êrişên xwe yên bi balafiran hewl dide  têk bibe."

Di dawiya merasîman de endamê Meclisa Malbatên Şehîdan Deham El-Ferec wesîqeyên şehadetê yên şehîdan xwend û radestî malbatên wan kirin. Paşê cenazeyê wan li goristana şehîdan a Şedadê veşartin.

(dm)

ANHA