200 kesên din ji kampa Holê derketin

Koma 48'an a ji 200 koçberên Minbicê pêk tê ku li kampa Holê dimana, ji kampê derketin û vegeriyan malên xwe.

NÛÇE

13 kanûn, 2021 13:03

HESEKÊ

Rêveberiya Kampa Holê ya girêdayî Rêveberiya Xweser a Bakur û Rojhilatê Sûriyê bi koordîneya Rêveberiya Sivîl a Minbicê, beşa 20`an a kesên ji Minbicê ku li kampa Holê diman, li ser daxwaza wan ji kampê derxistin.

Ev yek di çarçoveya pêkanîna biryara Rêveberiya Xweser a Bakur û Rojhilatê Sûriyê ya 10`ê Cotmeha 2020`an de pêk hat. Ev biryar piştî civîna di navbera Meclisa Sûriya Demokratîk (MSD), Desteya Karûbarên Civakî û Xebitandinê û Desteya Hundir de di 5`ê Cotmeha 2020`an de hat girtin.

Beşa îro ji kampê derketî, tevî girtina girtekên ewlehiyê yên zêde berê xwe da bajarê Minbicê. Beş ji 200 şêniyên Minbicê pêk hat ku di nav de zarok û jin hene.

Berpirsên kampê diyar kirin ku heta niha 48 beş ji şêniyên herêmên Bakur û Rojhilatê Sûriyê li ser daxwaza wan ji kampê derketin.

Li herêmên Bakur û Rojhilatê Sûriyê kampa Holê ya herî mezin e û cîhanê ya herî xeter e ji ber ku çeteyên DAIŞ`ê tê de ne.

)şx)

ANHA