QSD: Nûçeyên "700 DAIŞ'iyên girtî dê werin berdan" ne rast in

Navenda Ragihandinê ya QSD'ê derbarê nûçeyên hin medyayên herêmî  de ku dibêjin "Niyeta QSD'ê heye 700 DAIŞ'iyên girtî berdin'' agahdarnameyek weşand û got, lîsteyên navan ku hin saziyan weşandine, ne rast in.

QSD'ê got: "Dezgehên ragihandinê nûçeyên ne rast têkildarî niyeta Hêzên Sûriya Demoratîk a serbestberdana zêdetirî 700'ê çeteyên DAIŞ'î û kesên bi rêxistinên terorîst re didin û dîstînin yên di girtîgehên Bakur û Rojhilatê Sûriyê de belav kirin. Wan dezgehan li gel nûçeyên derew lîsteya navan ku îdia dikin yên DAIŞ'iyên girtî ne belav kirin. Em teqez  dikin ku ew nûçe derew e û lîsteya navan jî ne rast in, tu aliyên fermî yên têkildar ên li Bakur û Rojhilatê Sûriyê tiştekî bi vî rengî nedaye.

Hêzên Sûriya Demokratîk careke din bang li civata navneteweyî dike ku dadgeheke navneteweyî taybet li herêmên Bakur û Rojhilatê Sûriyê ji bo darizandina endamên DAIŞ'ê ava bike û ji bo qurbaniyan edaletê pêk bîne. Her wiha bang li hemû dewletên ku welatiyên wê di girtîgehên Rêveberiya Xweser de hene hevkar bin û bi cidiyet nêzî vê dosyayê bibin. QSD'ê  girîngiya xeteriya vê dosyayê destnîşan dike ku bûye girîngtirîn dosyayên propagendayaya rêxistina DAIŞ'ê ya di biçekirina zêdetirî terorîstan û pêkanîna kiryarên terorîst de ku ewlehî û aştiya herêmî û cîhanî xeter e."

ANHA